今朝返工，開電腦，發現中左ad ware同木馬，搞一大輪先搞掂，原因係有人用過架電腦上D唔應該上既網。
已經萬九幾樣野做啦，你仲無端端增加我工作量，最慘就係，我都唔多識架嘛，清得幾辛苦呀。
同我耆門老細呻左幾句，諗住了左件事就算啦，點知......
放工返屋企，照常開電腦啦，MSN 安拉啦，我頂......有句野出左黎，話要perform個check，check我所有MSN list 上既人，期間仲disable 埋keyboard同老鼠！我見咁奇怪，都未黎得切反應，佢已經開始腥野俾我D friends，頂，停又停佢唔到，唯有手動熄機啦，5秒後，熄左，之後竟然開唔返......我做錯咩呀，唔通連個天都唔鐘意我?
由於個list開頭幾個係香港舊同事，為怕佢地多手click落條link度，即刻打電話返舊公司啦，正所謂call得太遲，有個傻過我既真係click黎睇，即閃啦，仲邊有野講，叫佢轉條線入I.T房，問個friend係咪中野，佢第一時間估度又係我做既。(以前試過email中毒搞到公司要熄server)，佢地就好啦，有I.T人幫手，我就要自己一個搞，裝多個anti-virus，搞左成晚，而家先搞掂，好似仲有ad ware未清哂。究竟點解D人會無聊寫病毒呢?你地D人生無其他意義架?仲有呀，D網站用ad ware黎做宣傳，唔通你整鑊我咁金，你仲以為我會上你個網呀？你係天真定低能呀？
我提議，下年3月19號要放假，悼念我連續兩台機中招！
