爆可樂!!
Inspected: Reply
書架上有一堆汽水 Collection﹐Collection 裡有一罐可樂﹐可樂0係一個夜瀾人靜o既深宵裡立下決心﹐唔想一世住0係罐裡面﹐要睇睇出面o既世界﹐呼吸一下新鮮o既空氣。可樂知道家人已經熟睡o既時候﹐就決定從罐口爆出o黎。一爆之時﹐蓋一打開﹐泡沫橫飛﹐可樂由書架頂流落第一層o既衛斯理小說﹐吸收科幻o既氣味。再落第二層﹐聽聽現代流行音樂﹐之後再到港產VCD﹐日本漫畫同 Business Textbook。可樂們各有所好﹐書架o既五層都有可樂選擇留低﹐無得選擇o既﹐就落到前面裝住對鞋o既 Plastic Bag 上面﹐同少部份落到地毯度。數小時後天光﹐可樂開始因缺水而變深色﹐亦因此當有人發現o既時候﹐可樂都走唔o郁。最後o既收長就係被人指指點點一番之後﹐就由毛巾叔叔同紙巾姐姐帶到去水渠同垃圾桶o既亂葬崗道 Lu。可樂 Collection 就咁少一個成員﹐唔知其他可樂會唔會重滔覆徹咧﹗
- 完 -
後語﹕
一件無聊事﹐令人變無聊﹐去寫無聊野﹐真係超無聊﹗
可惜， 事發系我間房。。。。！ 激死！
爆可樂﹗﹗無聲出﹐無野好講。。。
